“Dör’t Moor” – so heet de Tour in den Landreis Rotenborg, de jüst den Titel “De schöönste Wannerweg in Düütschland 2021” kregen hett.
Dat fallt op, dat Platt ok in de Öffentlichkeit un vun amtswegen för Saken, de in de Freetiet oder den Tourismus rinspeelt, mehr un mehr insett warrt. So löppt ok in Rotenborg de Radwannerweg “Hoge Heid”. Kloor is aver ok – dat kunn noch veel mehr warrn mit de plattdüütschen Namen.