Düütsch ännert sik – un Platt is middenmang

Wat is de düütsche Spraak? Wat hett se al allens achter sik? Lööst sik Düütsch pö a pö op? Un woans steiht egens de plattdüütsche Spraak to dat Hoochdüütsche?

Wolfgang Krischke schrifft so, dat de “normale” Bildungsminsch dat verstahn kann. He schrifft as Journalist för de groten düütschen Zeitungen. Un he kennt sik mit vele Sieden vun de Spraak allerbest ut (- ok wenn Platt bi em jümmers noch blangen de Dialekten mitlöppt, un nich as Regionalspraak).

Weer doch mal en Idee, düt Book vun de Wetenschaft op Platt ruttobringen. Dat de Mann platt schrieven kann, hett he ja al wiest: 2022 weer he ganz vörn bi “Vertell doch mal”.

Wolfgang Krischke: Was heißt hier Deutsch? Kleine Geschichte der deutschen Sprache. 2. aktualisierte und erweiterte Aufl. München : C.H. Beck 2022, 367 S.

ISBN 978-3-406-79158-1