Goorner ut Oostholsteen

Siet Johr un Dag is he een vun de, de för Platt jümmers wat in Gang hefft: Heinrich Evers. Sien Internet-Siet mit plattdüütsche Plantennamen is al hunnerte vun dusende Mal anklickt worrn. De Mann is goot 80, un nu is al wedder en Vertell-Book vun em rutkamen.

Dat sünd allens lütte Geschichten, de mit den Schrieversmann sülvst tosamenhangt. Sien Levens-Manifest is dat Stück “Dor is miene Heimat, dor bün ik tohuus” (S. 70-76): De Goorner, för den de plattdüütsche Welt groot noog is. Anners geiht dat üm uns Alldag un de Minschen, de dor jümehr Rullen in speelt. Ut’t Leven vertellt.

För all sien Doon hett Heinrich Evers düt Johr dat Bunnsverdeenstkrüüz kregen. He hett dat verdeent.

Heinrich Evers: Fleitjepiepen, Utbüxen hölpt nix! Mit Illustrationen von Elke Grotelüschen. Blaticum-Verlagsgesellschaft und Werbeagentur : Neustadt in Holstein 2021, 142 S.

ISBN 978-3-9814615-7-2