Kennst du den al?

För en goden Döntje is jümmers Tiet. Un jüst in Corona-Tieden bruukt de een oder anner en beten Hölp, dat em oder ehr dat Smuustergrienen över’t Gesicht löppt. Wenn twee Lüüd in’t Snacken kaamt, denn kann dat goot ween, dat dor een wat “to’n Besten” gifft. Över 100 Kort-Vertellen sünd hier versammelt. Un ok de geern mal en Döntje vertellt, warrt hier Stücken finnen, de he oder se noch nich kennt.

Op’n Punkt mööt de lütten Dialogen ween. As düsse hier: De Verköpersch in den Schohladen seggt to Willi Cramer: „In de neegsten Daag warrt de Schoh villicht noch ’n beten wat drücken.“ „Dat maakt nix“, meent Willi, „ik bruuk se ok eerst neegste Week.“

Passlich is dat Format mit 12,5 x 13,0 cm. Man dat is woll al en Dööntje för sik, dat de Naam vun de Sammlerin oder Rutgeverin partu nich in dat Book finnen lett

 

Frederike Remm: Plattdüütsche Döntjes. Hamburg : Quickborn-Verlag 2021, 96 S.

ISBN 978-3-87651-479-6

Scroll to Top