Mann mit twee Gesichter

Weltliteratur op Platt – dat hett sik Rainer Kramer vörnahmen. Dorför hett he nu en Klassiker vun Robert Louis Stevenson op Platt översett: „The Strange Case of Dr. Jekyll and Mr. Hyde“. Dat Book is 1886 rutkamen, blots dree Johr na „Treasure Island“.

„Jekyll un Hyde“ vertellt vun de twee Sieden, de in so mennicheen Minsch binnensteken doot. Kloor – dat geiht üm Verbreken: „Sünnerlich grieselig groolich wöör dat togahn….“ Rutkamen sünd op düsse Oort al veer Klassiker-Böker. Un trecht hett de Översetter noch acht annern.

Rainer Kramer gifft siene Böker sülvst rut. De also mehr vun em lesen will, mütt eerstmal de Böker Stütt geven, de al op den Markt sünd.

Robert Louis Stevenson: De aparte Fall von Dokter Jekyll un Mister Hyde. Nedderdüütsch vun Rainer Kramer. Berlin : Selbstverlag 2022, 195 S.

ISBN 978-3-00-070146-7