Mit Kinner dör Hamborg

Wenn een mit Kinner in en Stadt ünnerwegens is, denn is dat goot, wenn een weet, wat een sik ankieken will. Benita Brunnert nimmt uns mit op en Tour dör de Hamborger Neestadt. Hier un dor steiht en Steenfigur, un dat een oder anner Museum kann een sik ok vun binnen bekieken – allens olen Kraam. Wat de Kinner dat woll gefallt?

De Text is afdruckt in Platt un Hooch. Dor gifft dat en Barg to vertellen un to beleven. Un denn gifft dat allens noch mal to’n Anhören – op CD. Mit de Stimmen vun junge Lüüd, de Theater speelt.

Leider is dat Plattdüütsch nich jümmers rund. “Se böögten af” is doch wat gediegen, jüst as dat Artikelwoort “de” vör “Hummel”.

Benita Brunnert: Hanna un de Hummel. Vun Telemann, Tüdelband un annerswat. Amiguitos : Hamburg 2021, 53 S. + CD

ISBN: 987-3-943079-95-1