Sütterlin lesen

Sütterlin – dat is de Oort vun Handschrift, de bet vör twee, dree Generatschonen bi uns noch överall begäng weer. En Reeg Gedichten harrn de beiden Rutgevers twüschen 1997 un 2010 in en Tietschrift för Senioren in Sütterlin afdruckt. Dat hett jüm so veel Opdrift geven, dat se dor nu en Book vun maakt hebbt – mit noch en poor mehr Gedichten, ok mit welk in oostfreesch Platt.

Plattdüütsche Stücken sünd dor mit bi vun Friedrich Sudermann, Toni Wübbens, Louis Victor Israels, Adolf Heinrich Dunkmann, Johann Friedrich Dirks un Arend Dreesen.

De Texten sünd achtern in’t Book ok in „normale“ Leesschrift afdruckt. En Book nich blots för öllere Minschen.

Maria und Friedhelm Pielage (Hrsg.): Rauf – runter – rauf, Pünktchen drauf. 90 klassische Gedichte in Sütterlin. Ein Lesebuch. Norderstedt : Books on Demand 2022, 173 S.

ISBN: 978-3-7568-3646-8