Un ok en beten Platt

As Band 2 vun de Reeg “Signaturen. Schriftsteller aus Schleswig-Holstein” is jüst en Band över Heiner Egge rutkamen. Teihn Lüüd hebbt wat to den Schriever opschreven: To sien Leven un siene Ankerplätz un kloke Wöör to den Geist, de achter sien Schrieven steken deit. Wat is de “poetische Resonanzraum” vun düssen Luftschriever? Wat dorbi rutkamen is, dat is to’n Glück keen Sekundärliteratur, man dat sünd lüttje Stappen hen na en Schriever, för den dat Schrieven de Welt is.

Vele Johren weer de egens hoochdüütsche Autor Heiner Egge Sekretär vun de Klaus-Groth-Gesellschap. “In der Kajüte” heet sien Roman üm Klaus Groth, de dor endlich Fritz Reuter bemött. Un en poor mal hett he ok bi “Vertell doch mal” mitmaakt – op Platt, versteiht sik.

Wat Doris Runge vör 20 Johr in ehr Rezension vun Heiner Egges Roman “Der Eiderbote” schreven hett, dat gellt ok för düt Book: “Ein wunderbares Buch, dem ich viele Leser wünsche.”

Heiner Egge. Hrsg. vom Literaturhaus Schleswig-Holstein (Signaturen, Schriftsteller aus Schleswig-Holstein im Porträt, Bd. 2). Lumpeter & Lasel: Eutin 2021, 158 S.

ISBN: 987-3-946298-21-2