Mönsterlänner Wöör

De wat för en Spraak doon will, mutt ok de Wöör kennen, de in düsse Spraak begäng sünd. In dree Oplagen hett Klaus-Werner Kahl sien Sammlung rutgeven: 2000, 2003 un 2009. Nu hett de Aschendorff Verlag de drüdde Oplaag ut dat Johr 2009 noch mal wedder rutbröcht.

Dat mönsterlänner Platt is afsünnerlich riek an Vokale. Un so is dat mit dat Schrieven nich so licht to. Man Klaus-Werner Kahl sien Schrievwies hett sik nu al meist als “klassisch” dörsett. Dat Wöörbook geiht vun Hooch na Platt un vun Platt na Hooch. In den Anhang finnt sik Wöörlisten (Tallen, Tieden, Daag un annern), denn aver ok en List mit de starken Verben.

Jeedeen, de anner Wöör kennen deit, is opropen, de an den Rutgever to mellen. Mehr kann dat op jeden Fall noch warrn – alleen, wenn een an doon as Voll un as Hölpsverb denken deit.

Klaus-Werner Kahl: Wörterbuch des Münsterländer platt. Hochdeutsch – Plattdeutsch, Plattdeutsch – Hochdeutsch. Mit Regeln für die plattdeutsche Rechtschreibung. Aschendorff Verlag : Münster 2021, 523 S.

ISBN 978-3-402-06447-4