Koppheister
Wat so richtig goot is: De Tüdelband höört sik al lang nich mehr so an as vör teihn Johr. Oder vör fief. Mire Buthmann hett sik in ehr Texten wiederentwickelt to en Ledergeschichtenvertellersch – en Fro, de dat Leven ümto mit ehr egen Ogen ankieken deit. Ehr Gitarrenspeel tohoop mit dat Trummelwark vun Malte Müller maakt den ganz afsünnerlichen Klang ut Melodie un Rhythmus ut – sinnige Clubmusik, de keen, de nich veel Wums bruukt.
Faken sünd dat eenfache Rhythmen, as in “Krickelkrackel”, de de Wöör dregen doot – jichenswo twüschen Kinnerleed, Pop, Folk un Weltmusik. Oder vun allens wat, as in “Björn”, wo sik dat to en Ohrworm utwassen kann.
Dat Bipackblatt mit de Texten op is to en Papeerschipp tohoopfalt. De sik dat aver eerst mal optüdelt hett, kriggt dat eerst wedder op Schick, wenn se oder he en Origami-Kurs mitmaakt hett. Tja – lehrst jümmers noch wat dorto…
Die Tüdelband: Koppheister. 2022.
LC 52581
