De Voss as Trickster
Mit Reynke de Vos, dat grote Versepos ut dat Johr 1498, hebbt sik al Generatschonen vun Wetenschaplers ut’neensett. Nu is Hannah Rieger bigahn un hett sik ankeken, na wat för en Plaan de Voss siene Vertelleree optrecken deit. Se geiht de schonen worden na un fraagt, wokeen op wat för en Oort un Wies ansnackt warrt – in de Geschicht sülvst un bi de Lesers oder Tohörers.
Wat opfallt: Hannah Rieger schrifft nich blots vun de schonen worden, nee se sülvst versteiht ok goot to schrieven. Wat se wiest, is nich weniger as: Dat Voss-Vertellen wiest den Kurs för dat, wat sik in de Politik dörsetten deit. Un düsse Ansatz is nee.
En Dokterarbeit, de sik sehn laten kann – schreven an de Philosophsche Fakultät an de Uni Kiel.
Hannah Rieger: Die Kunst der ‘schönen Worte’. Füchsische Rede- und Erzählstrategien in Reynke de Vos (1498). Narr Francke Attempo : Tübingen 2021, 281 S.
ISBN 978-3-7720-8763-3
