De Welt ut de Ogen vun en Kater

Wat so’n Kater allens beleevt, na wat he lengen deit un wat em ganz un gor nich na de Mütz is. En Leven mank Minschen un Müüs, Nachtleven un Hampelkraam. In lütte Leesstücken vun 5 bet 20 Regen maalt de Kater uns düssen Horizont ut.

Depe Insichten to dat leven un de Welt hett Jutta Bauer in Wöör un Biller to Papeer bröcht. Ulrike Stern hett bi’t Översetten in’t Mekelnborger Platt den feinen Toon drapen, de nödig is för düsse Kater-Ansichten.

En Billerbook – kloor! Man en Kinnerbook – wiss nich. En Book för all Lüüd, de sik in Katten rindenken möögt.

Jutta Bauer: Kåter Liam. Philosophien ut Fell. Ut dat Hochdüütsche oewerdrågen von Ulrike Stern. Demmler Verlag : Ribnitz-Damgarten 2021, 50 S.

ISBN: 987-3-944102-39-9