Düünbeudel hett sien egen Kosmos

Düünbeudel – op hooch heet dat Düdenbüttel – liggt bi Staad. Dor wahnt goot dusend Lüüd, un egens is an dat Dörp nich veel an. Dat süht aver anners ut, wenn Du Di dor utkennen deist. Denn kannst Du Geschichten vertellen, vun Minschen un Saken, de sik dor afspeelt hebbt, un denn kannst Du ok över Saken nadenken, de uns Welt utmaken doot, so as: Heimat – wat is dat för mi?

Heinz Mügg hett sik en Naam maakt, un dat nich blots as Börgermester vun Düünbeudel, wat he 25 Johr lang ween is. He hett den Veren “De Plattdüütschen” op de Been stellt, de 450 Liddmaten hett, he hett den plattdüütschen Kinnergoorn Stütt geven (dor hett sien Fro Magda veel beschickt), un he is dor stolt op, dat siene veer Enkelkinner Platt snackt – wat för en Leven!

Heinz Mügg hett sik mit düt Book sülvst en Denkmal sett. He hett dat verdeent.

Heinz Mügge: Wat ik so beleevt heff. Geschichten över un ut mien Dörp. Rutgeven vun den Vereen “De Plattdüütschen e. V.”. Books on Demand : Norderstedt 2021, 116 S.

ISBN: 987-3-7519-9434-7