För jedereen vertellt

Dat hett een Johr duert, denn harr Christine Marquardt de 16 Stücken trecht, de se in ehr eerst Book opnahmen hett. De Themen hett se so utsöcht, dat för all Öllersgruppen wat dorbi is. De meisten Geschichten sünd ut den Alldag nahmen. Un nich jümmers löppt allens rund.

Bi’t Lesen kann een marken, dat Christine Marquardt mit Platt groot worrn is; schrieven deit se na Sass. Wat bi’t Lesen stöört: Af un an (un vör allen ok jümmers dor, wo en Siet to Enn is) ritt de Text af, ok wenn de Reeg noch nich vull is.

Leider fehlt in oder an dat Book en Henwies, woneem een dat bestellen kann. Un ok över de Schrieversch kriegt wi nix to weten.

Christine Marquardt: Plattdüütsch för jedereen. Sülvstverlag : [Lüneburg 2021], 47 S.

ISBN: gifft dat nich