Johrbook 21 kummt 23 rut

De Klaus-Groth-Gesellschap höört jümmers noch to de lebennigsten plattdüütschen Literatur-Krings. Dat lohnt, de Opsätz in dat frische Johrbook to lesen. Ok wenn dat dat Johrbook 2021 is, dat wegen Corona nu eerst 2023 rutkamen is.

Wat för en Rull hett Klaus Groth in de eersten beiden Johrteihnten na den “Quickborn” speelt, wenn plattdüütsche Böker tohoopstellt worrn sünd (Nikos Saul)? Woneem hett Groth Ideen her för siene Theorie för dat Dichten in Mundoort (Matthias C. Hänselmann)? Wat steiht in de Breven, de sik Klaus un Doris Groth mit Herman Grimm schreven hebbt (Barbara Scheuermann)? Wat fallt op an Klaus Groth siene Geschichts-Gedichten (Doreen Brandt)?

Dorto noch dat een oder anner, wat een blangenbi lesen kann. Weer aver goot, wenn dat Johrbook 2022 noch vör dat Johr 2025 rutkamen kunn.

Jahrbuch 2021. Im Auftrag der Klaus-Groth-Gesellschaft hrsg. von Robert Langhanke. Bd. 63. Heide : Boyens 2023, 176 S.

ISBN: 978-3-8042-0985-5

ISSN: 1868-6737