Märken

Dat stickt in de Familie: Swen Moritzen hett sien Leevdag geern Märken höört un vertellt. Un nu hett he sülvst en Märkenromaan to Papeer bröcht: Königsdochter Merete sitt in de Kniep. Ehr Vadder is dootkrank, un blots en Krall vun en Draken kann em gesund maken. Helpen kunn de Töverer Magnus, man de will Merete dorför to Fro hebben. Wat de Töverlehrling Pelle dor woll wat an dreihen kann?

Swen Moritzen kann goot vertellen, sien Platt kann he vun to Huus – ok wenn bi enkelte Wöör, Utdrück un Sätz dat Hoochdüütsche dörschient. In de Schrievwies mütt sik de Leser eerst mal inlesen.

Passliche Swart-Witt-Biller hett den Schrieversmann sien Dochter Signe tostüert.

Swen Moritzen: Gah fang mi een Draaken. Een Määrken op Platt mit Billers vun Signe Moritzen. Books on Demand : Norderstedt 2023, 141 S.

ISBN: 978-3-75192-282-1