Uns Tiet

De Alldag hett so vele Themen mit so vele Sieden, de een mit noch veel mehr Sichtwiesen ankieken kann: dröög, realistisch, ironisch, lustig oder satirisch. En Mischung vun all dat bringt düt Book mit Vertellen vun 4 Froens- un 5 Mannslüüd. De meisten kennt een vun’t Radio oder Theater her: Helge Albrecht, Lina Bande, Carina Dawert, Gesche Gloystein, Gerrit Hoss, Frank Jakobs, Henning Kothe, Heiko Kroll un Kerstin Kromminga.

Dat gifft jüm also doch noch – de plattdüütschen Schrieverslüüd, de üm 30 Johr oolt sünd. Un de ehr Welt is faken anners as bi de, de al griese Hoor hebbt. Man liekers geiht dat üm de Fraag: Woans gaht de Minschen een mit den annern üm? Woneem wüllt se op daal? Wat maakt uns Leven ut? De Geschichten klingt de Hartslag vun uns Tiet na.

Ok wenn dat üm Alldag geiht – bi de Spraak kunn de een oder anner doch mehr oppassen, dat dat hoochdüütsche Vörbild nich to dull dörsleit.

Gesche Scheller (Hrsg.): Plattdüütsch in uns Tiet. Quickborn-Verlag : Hamburg 2023, 102 S.

ISBN: 978-3-87651-497-0