… up dat Jahr 2023
De Spieker hett ok för 2023 wedder en Klenner vörleggt, de as Maat mit een tohoop dör dat Johr lopen kann. Acht Sieden gifft dat för jeedeen Maand: mit Bild, Kalendarium, dorto Gedenkdaag un Termine un Henwiesen, wat över den Naam vun den Maand, en Thema ut de plattdüütsche Spraak.
Man dat is ok en Oort Anthologie: Vertellen un Gedichten vun mehr as teihn Schrieverslüüd, de meisten ut dat Ollenborger Land. Dorto veermal „Elfchen“-Stücken vun Schoolkinner vun de Gesamtschool Petersfehn. In de Schatzkist finnt sik twee öllere Stücken vun Günter Kühn un Heinz von der Wall, de al storven sünd.
Goot, dat ok en Reeg vun de Reklame-Sieden op Platt sünd.
De plattdüütsche Klenner up dat Jahr 2023; rutgäven to’n 90. Maal. Rutgäver: De Spieker. Heimatbund für niederdeutsche Kultur. Isensee : Oldenburg. 2022, 128 S.
ISBN 9783730819906
