Vun Minschen un Typen

Jeedeen Minsch is anners. Hett sien egen Takt för dat Leven funnen, hett Saken, de he mag, un welk, de he op’n Dood nich utstahn kann, de een fallt nich groot op, un de anner hett ganz afsünnerliche Macken. Vun so’n Minschen vertellt Bolko Bullerdiek in siene goot föfftig Geschichten. Un bi’t Lesen warrst dat wies: Du sülvst büst den een oder annern ok al mal bemött.

Den Titel för sien Book hett Bolko Bullerdiek bi Johann Hinrich Fehrs utlehnt. Siene Figuren aver steht mit beide Been in’t 21. Johrhunnert. Kloor, dat Psychologie en Rull speelt, wenn dat Snacken un Doon vun Minschen den Opdruck „typisch“ kriegt. Dat is ok de Sicht, de Meinhard Raschke mit siene Bleestift-Teeknungen rutarbeiden deit.

De Verenigung “Quickborn” hett in’t Johr 2022 düt Book as Gaav för jümehre Liddmaten utsöcht.

Bolko Bullerdiek: Allerhand Slag Lüüd. Ill.: Meinhard Raschke. Quickborn-Verlag : Hamburg 2022, 159 S.

ISBN 978-3-87651-486-4