Vun Reuter ut in de Literatur rinkieken

Nu is he rut, de 32. Band vun de Reuter-Bidrääg mit de Vördrääg vun de Johrsversammeln 2022 in Griepswoold. “Literatur un Gefangenween” is dat Leitthema, dat för Fritz Reuter vele Johren bavenan stünn un to dat he ok en Barg vertellt hett. Över dat, wat Reuter över siene Tieden in Däms (Dömitz) opschreven hett, gifft Hartmut Brun Bericht.

Wat maakt dat Gefangenween mit en Minsch? Wat maakt dat mit sien Schrieven? Barabara Scheuermann gifft klook den Rahmen för düsse Oort to schrieven vör. Sachlich un mit Drift beschrifft Cornelia Nenz en Stück ut ehr egen Familie. Mit en Blick in de DDR-Literaturgeschicht geiht Christoph Schreiber op de “Wandlungsliteratur” daal. Dichter an Reuter ran bringt uns Arnold Hückstädt mit sien Artikel över den Schriever un sien Biograf Adolf Wilbrandt. In Breven an Reuter un Groth kickt Barabara Scheuermann in ehr Stück över Eduard Böcking.

Un en beten Reuter pur gifft dat ok noch: Kap. 12 un 25 ut de “Festiungstid”.

Festungstiden. Gefangenschaft durch Literatur – Literatur durch Gefangenschaft. Hrsg. im Auftrag der Fritz-Reuter-Gesellschaft von Barbara Scheuermann und Dieter Stellmacher. Beiträge der Fritz-Reuter-Gesellaschaft, Bd. 32. Rostock : Hinstorff 2023, 112 S.

ISBN: 978-3-356-02434-0