Stührwoldt filosofisch
Wenn Matthias Stührwoldt vertellt, denn is dat as Karusselfohren. Du kriggst vun allens wat mit, vun dat Licht, den Larm, de gaue Fohrt. Man dat is nie mehr as so’n Opblitzen. En Stück vun fröher, Kinnertiet, Frünnen, Öllern, Fohrrad, Musik. Un dor köönt vele Lüüd sik in wedderfinnen.
De Mann is nu al en Mitt-Föfftiger, man he kickt op sien Land un dat Leven jümmers noch ut de Brill vun een, de jüst anfagt, över sien Rull in de Welt natodenken. Keen Wunner, dat de Pubertät in sien Stücken so’n Rull speelt. Wat dorbi rutkümmt, dat sünd eenfache Worheiten, akkraat op’n Punkt bröcht.
To den Erfolg höört woll ok, dat Matthias Stührwoldt sien Platt al teemlich hoochdüütsch ünnerwannert is.
Matthias Stührwoldt: Ünner Heven. Hamburg : Quickborn-Verlag 2022, 119 S.
ISBN: 978-3-87651-490-1
