Ut Paderborn

Wat fallt op an dat Platt ut Paderborn? Wat maakt den Klang ut, de Wöör, de Grammatik? Woans süht dat mit de Spraak fröher un vundaag ut? Dör de Brill vun de Spraakwetenschaft bekiekt sik de dree Schrieverinnen dat oostwestfäälsche Platt in de Kreisen Höxter un Paderborn. Vun uns Tiet weet se nich veel to vertellen – schull Platt in düsse Gegend wohrhaftig nich mehr to hören ween?

Dat is nu al dat drüdde Book in de Reeg „Westfälische Mundarten“. Biller un Koorten verkloort, wat in de Leesstücken binnensteiht. Un wi lehrt: Wat de Dialektologie utklookt hett, geiht nich övereens mit dat, wat de Minschen as Grenzen in jümehren Kopp hebbt.

Man: Wo steiht dat mit Platt in’n Kinnergoorn, in de School, in de Kark? Wat is mit Identität un Region un Platt? Un dat lett, as wenn dat dat Woort Sprakenpolitik gor nich geven deit.

Doris Tophinke, Nadine Wallmeier, Marie-Luis Merten: Das paderbörnische Platt. Niederdeutsch im Gebiet der Kreise Paderborn und Höxter. Aschendorff Verlag : Münster 2021, 106 S.

ISBN 978-3-402-14346-9