Klangteppich

De Idee kann sik sehn laten: Gode Lesers leest gode plattdüütsche Leesstücken. Un dorför, dat denn ok de passliche Stimmung opkummt, löppt in den Achtergrund passliche Musik. Friedrich Hans Schaefer sien Faust is bi de Lyrik mit bi, Klaus Groth, Wilhelmine Siefkes, Walter Arthur Kreye un tweemal “trad.”.

Bi de Prosa gifft dat Harald Karolczak siene Sepenblosen un Heinke Hannig ehr Wuddelsalaat. Un dat denn allens „op’n romantischen Klangteppich“. Nu sünd enige Stücken aver keen Spier romantisch, un denn loopt bi’t Tohören ünnerscheedliche Stimmungen verdwars.

Dat Programm schull geern wiederlopen. Man denn müss doch an de Stimmigkeit vun de Stücken dreiht warrn. Un ok an de Musik, de Martin Meyer un Peter Hoffmann komponeert un produzeert hebbt.

Platt Poems. Platt un Lyrik op Platt op’n romantischen Klangteppich. Hof der Kuenste : Vögelsen. 2022.

LC 91526