Leven in ole Böker

Wat is dat doch för en Pläseer, dör öllere Böker to blödern. De Fehrs-Gill hett hier Vertellen un Gedichten vun 15 Schrieverslsüüd tohoopstellt. Rutkamen sünd de Böker twüschen 1956 un 1987. Gifft ja Lüüd, de meent, dat weer de beste Tiet för de plattdüütsche Literatur in’t 20. Johrhunnert. Andrae, Bellmann, Brandt – se wullen ne’e Formen, Themen un en anner Spraak utproberen. Blangen jem staht de, de mehr to den olen Slag tohöört, as Claudius oder Ehrke.

Blangen de Leesstücken sülvst gifft dat hier ok en Barg över Literatur (Robert Langhanke, S. 99-110) to lesen, över de Fehrs-Gill, een Woort vörweg un noch een achterna. To de enkelten Autoren kann een wat in korte Biografien nalesen.

De Böker vun de Fehrs-Gill hebbt en lange Tiet för de plattdüütsche Literatur ganz baven stahn. Weer goot, wenn de Weg dor wedder hengahn kunn.

To Gast in’t Leven. Vun’t Wunnern un Freuen. Rutgeven vun de Fehrsgeill. Hamburg 2023, 127 S.

ISBN: 978-3-87651-499-4