Mit den Maalstift dwars dör Hamborg

Dat is en Anmaalheft för de Lütten – dorto gifft dat en lütte Tuur dör Hamborg, mit Michel, Scheep in’n Haven, op de Elv oder Alster, Dom un Planten un Blomen. De Geschicht in Riemels gifft dat eerst op Platt un denn op de neechste Dubbelsiet op Hooch.

Plattdüütsche Böker för ganz Lütte to’n Mitmaken gifft dat noch lang nich noog. Wat Wiebke Colmorgen hier anschuven deit, is hoochnödig. Un ok dat gellt: De Kinner hebbt dat verdeent, dat wi akraat mit de Spraak ümgaht.

De Biller vun Nele Palmtag laadt dorto in, dat hier oder dor wat anmaalt oder dortomaalt warrt – de Lütten warrt de Saak mit veel Vergnögen angahn.

Wiebke Colmorgen, Nele Palmtag: Hummel Hilde. Eine Hamburger Mitmal-Geschichte op Platt und Hochdeutsch. Hamburg : Junius Verlag, 2022, [32 S.].

ISBN: 978-3-96060-552-2