Nokixel för Oostfreesland

Dat in Oostfreesland en egen Volk leven deit, weet jeedeen. Wat nu dat Leven hier so anners maakt, dat verkloort Carl-Heinz Dirks vun A bet Z in Hunnerte Woortartikel. Lang sünd se twüschen een Reeg un twee Sieden. Schreven is dat op Hooch, man meisttiets geiht dat üm Platt. Un mag ja ween, dat dat ok typisch is för dat Oostfresen-Alfabet, dat Saterdag vör Sapp steiht.

Wat Carl-Heinz Dirks hier tohoopbringt, dat is Alldagsleven, Natur, Kultur, Geschicht – allens trechtmaakt in lütte Happen. Klook un op sülvstbewusste Oort opschreven, dat gellt ok för den Artikel Moin. De in düsse Welt intodükern will, warrt en Barg entdecken twüschen Otto Waalkes un Friesennerz.

Dor kann jeedeen wat dortolehren – to’n Bispeel dat de Oostfresen to en Handy lever Mobieltje seggt as Ackersnacker.

Carl-Heinz Dirks: Wi proten un wi snackt in Ostfriesland. Hamburg : Ellert  Richter Verlag 2021, 210 S.

ISBN: 978-3-8319-0792-2

Scroll to Top