Gauert vertellt

Vertellen ut 25 Johr hett Heiko Gauert tohoopsöcht un as Book rutbröcht. He gifft Bericht vun dat Leven as dat is. För de Jungen gellt jüst as för de Olen: Dat gifft keen Levensweg ahn Hünkel un Slunken. Man dat sünd doch de lütten Haakpunkten, de dat Leven den Dreih geevt. Dat dat an’t Enn egentlich jümmers goot utgeiht, mag woll dor an liggen, dat ok de leegsten Spitzboven un Röver en Rest vun en goot Hart in sik dreegt.

Heiko Gauert weer Schoolmester in Schleswig-Holsteen, he hett veel för Zeitungen schreven un sett sik bet hüüt in vele Rullen un Gremien för de plattdüütsche Spraak in. För em höört Platt in den Alldag rin, un jüst dor vertellt he vun. Man he wesselt sien Blickwinkel: Mal mehr Bericht, mal mit de Ogen vun Mannslüüd, mal vun Froens. Un ok: „Ik bün en Disch“.

Typisch för Heiko Gauert is sien Schleswiger Platt: Un denn blaas en flaue, stüttige Süüdwest…

Heiko Gauert: Nich ümmer liekut. Hamburg : Quickborn-Verlag 2020, 175 S.

ISBN: 978-3-87651-474-1

Scroll to Top