Blomenstruuts

Wenn een weten will, vun wat plattdüütsche Schrievberslüüd in uns Tiet schrievt, denn schall een düssen Sammelband in de Hand nehmen. Dor sünd Geschichten und Gedichten vun 28 Lüüd afdruckt, de all to den “Bund Niederdeutscher Autoren” tohöört. “Vörwech” steiht to lesen: Dat geiht nich üm hoge Kunst, nee: “Uns Bund is ein Tauhus för all de worden, de sik Plattdüütsch utdrücken willen”.

Alldag, Planten un Deerten geevt de Themen vör, un hier un dor geiht de Blick ok trüch in de DDR. Man in düt Book finnt sik ok en Reeg junge Stimmen un welk, vun de wi noch nienich wat op Platt leest hebbt. Dor steiht denn dat Nadenken blangen dat Geschichtenvertellen, de Poesie blangen de Fantasie.

Na dree Johr is also wedder en Blomen-Book rutkamen. Dat is nu al de Nummer 15! So schall dat geern wiedergahn.

Bernd Lubs (Hrsg.): Plattdüütsch Blaumen. Riemels un Vertellers ut Mäkelborg-Vörpommern, de Uckermark un de oewrige plattdüütsche Gägend. Bd. 15. Books on Demand 2023, 173 S.

ISBN: 9783757825416