Ünnerwegens

Reisen höört to uns Alldag dorto. Gifft Lüüd, de sünd egalweg op Tuur un hebbt al lang vergeten, woneem se vör dree oder fief Johr ween sünd. Dat ok wat blieven kann, dat een ok för sik wat mitnehmen kann, dat wiest Christl Twenhöfel mit ehr 40 “Biller ut mien Reisealbum”.

Dat, wat se in anner Länner beleevt hebbt, hebbt toletzt Lüüd as Hans-Hermann Briese, Bolko Bullerdiek, Dirk Römmer oder Gerd Spiekermann beschreven. Bi Christl Twenhöfel ehr Stücken fallt op, dat se fasthollen will: Se kann de Annershaftigkeit von Minschen un de ehr Doon in Süüdamerika oder Asien annehmen. Un dat maakt de Kraft ut: Ganz persöönlich un liekers mehr as en Dagbook. Un dat is keen Tofall, dat ganz an’t Enn steiht: Schöön is dat h ier.

Över jeedeen Text steiht en lütt Foto – as en Holt-Fast. Denn Reisen, dat sünd hier Momentopnahmen, as Geschichten, man ok as Biller.

Christl Twenhöfel: Tohuus in de wiede Welt. Biller ut mien Reisealbum. Selbstverlag 2022, 104 S.