-
Stührwoldt bannig groot
Vertellen kann de Mann as man wat. Un dor bruukt he siene Tohörers för. Meist 20 Johr is he nu al in de plattdüütsche Welt ünnerwegens un vertellt vun sik as Buer, as Familienvadder mit fief Kinner un vun allens dat, wat de Alldag em so toweiht. Un nu: 29 frische Vertellen un worraftig 5
-
Wöörbook Nummer 83
Vun dat Neddersassische Wöörbook is jüst dat 83. Heft rukamen. Dat löppt vun „Sprickelbeen“ bet „Stell“. Kloor – dor staht veel mehr Wöör binnen, as en enkelten Minsch kennen kann. Düsse Wöör kaamt ut all Gegenden vun Neddersassen. Alleen de Artikel „stahn“ (hier: stan) löppt över 13 Spalten, mit 7 Bedüden. Blangen „stantepe, standepe“ finnt
-
Snack Platt mit Plattsnack!
Op spelerische Oort Plattdüütsch lehren – woans dat geiht, wiest de beiden Heften, de düt Johr in frische Oplagen för de Grundschoolklassen 1/2 un vun 3 op an rutkamen sünd: (an)malen, en beten wat schrieven, en Speel spelen, en Leed singen, sik wat vertellen. Nele Ohlsen hett de Arbeitsblääd in de verleden Johren in de
-
Vun em un ehr
Gifft ja so’n Lüüd, de to allens, wat se so beleven doot, en egen Geschicht vertellen köönt. Un dat deit Jutta Lammèr mit vulle Kraft. 60 Vertellen hett se in düt Book versammelt, all leest se sik, as wenn di en gode Fründin wat vertellen deit: Vun ole Lüüd un junge Lüüd, vun fröher un
-
Vun Arlewatt un Ollerup
Dat in Noordfreesland de Ünnereerdschen leevt, weet jeedeen. Kloor, dat dat dor ok Wichte geven deit. Wichte as Arlewatt – de egens Arle heet, den se aver wegen sien Neeschier glieks dat “wat” mit an sien Naam anhangt hebbt – un de dicke Ollerup, de anners kene Frünnen hett, wo he doch faken groff un
-
Nokixel för Oostfreesland
Dat in Oostfreesland en egen Volk leven deit, weet jeedeen. Wat nu dat Leven hier so anners maakt, dat verkloort Carl-Heinz Dirks vun A bet Z in Hunnerte Woortartikel. Lang sünd se twüschen een Reeg un twee Sieden. Schreven is dat op Hooch, man meisttiets geiht dat üm Platt. Un mag ja ween, dat dat
-
Gauert vertellt
Vertellen ut 25 Johr hett Heiko Gauert tohoopsöcht un as Book rutbröcht. He gifft Bericht vun dat Leven as dat is. För de Jungen gellt jüst as för de Olen: Dat gifft keen Levensweg ahn Hünkel un Slunken. Man dat sünd doch de lütten Haakpunkten, de dat Leven den Dreih geevt. Dat dat an’t Enn
-
Wohr di vör dat Füer
Dat best Geschenk to Philipp sien 5. Geburtsdag is dat grote rode Füerwehrauto. Man as he sien Licht noch mal anmaakt, duert dat nich lang, un de ganze Disch steiht in Flammen. To’n Glück kann Mudder dat Füer gau utmaken. Un so kümmt dat, dat Philipp sien Vadder an de Deek en „Rookengel“ anboot. De
-
För de Klassen 5 bet 9/10
En Spraak-Lehrbook för de Schoolklassen 5 bet 9 (oder 10) – dat hett bet nu för Plattdüütsch fehlt. In teihn Lexen geiht dat üm School, Eten un Drinken oder Freetiet. Dat Snacken steiht bavenan, man dor höört denn ok jümmers en Woortfeld mit to un ok en Happen Grammatik. Vele ünnerscheedliche Opgaven maakt dat Sprakenlehren
-
All singt mit – mal hooch, mal platt
En Spraak leevt in de Leder, de de Kinner singt. 88 Kinnerleder un Riemels sünd op düsse Dubbel-CD to hören. 49 för de Lütten (vun “Alle meine Entchen” bet hen na dat “Braatketüfelleed” un “Dat du mien Leewsten büst”) un 39 för de Groten (mit “Tüdelband”, “Blaukraut” un “Oewer de stillen Straten”). Platt un Hooch
